وزیر اعظم نریندر مودی نے جی-7 سربراہی اجلاس کے دوران امریکی صدر ڈونالڈ ٹرمپ سے ملاقات کی ہے۔ اپوزیشن رہنماؤں نے حال ہی میں امریکی فوجی حملے میں تین ہندوستانی شہریوں کی موت کےپس منظرمیں اس ملاقات کے لیے وزیر اعظم کو تنقید کا نشانہ بنایا ہے۔
جی-7 سربراہی اجلاس کے دوران امریکی صدر ڈونالڈ ٹرمپ کے ساتھ وزیر اعظم مودی۔ (تصویر: اے پی)
نئی دہلی:جی-7 سربراہی اجلاس کے دوران وزیر اعظم نریندر مودی نے منگل (16 جون) کو امریکی صدر ڈونالڈ ٹرمپ سے ملاقات کی۔ اس ملاقات کے لیے اپوزیشن جماعتوں نے وزیر اعظم مودی کو تنقید کا نشانہ بنایا ہے۔ یہ تنقید حال ہی میں امریکی فوجی حملے میں تین ہندوستانی شہریوں کی موت کے پس منظر میں کی گئی ہے۔
اپوزیشن رہنماؤں کا الزام ہے کہ پی ایم مودی امریکہ کے سامنے شہریوں کی موت پر سخت احتجاج درج کرانے میں ناکام رہے ہیں۔
کانگریس کے ایکس ہینڈل نے بھی وزیر اعظم کو تنقید کا نشانہ بناتے ہوئے انہیں’بے شرم وزیر اعظم‘کہا ہے۔
کانگریس رہنماؤں نے جی-7 اجلاس کاایک ویڈیو شیئر کرتے ہوئے دعویٰ کیا کہ گروپ فوٹو سیشن کے دوران ٹرمپ نے پی ایم مودی کی طرف توجہ تک نہیں دی۔
बेशर्म प्रधानमंत्री pic.twitter.com/4EkgycyxuL
— Congress (@INCIndia) June 16, 2026
کانگریس رہنما سریندر راجپوت نے لکھا،’ٹرمپ نے مودی کی طرف دیکھا تک نہیں۔ ٹرمپ کی فوج نے 3 ہندوستانیوں کو قتل کر دیا اور اس کے بعد بھی وہ اتنے مغرور بنے ہوئے ہیں۔ مودی خود آگے بڑھ کر ٹرمپ سے ملنے جا رہے ہیں۔‘
इस वीडियो को देख कर सब समझ जायेंगे कि डोनाल्ड ट्रम्प और अमरीका नरेंद्र मोदी जी के साथ कितना अपमान जनक व्यवहार कर रहा है!
5 मिनट का वीडियो हैG7 समिट की ग्रुप फोटा ली जा रही है. इसमें आप ट्रंप को देखें और मोदी को भी. ट्रंप ने मोदी की तरफ देखा तक नहीं.
फोटो खिंचवाने के बाद… pic.twitter.com/kaFLppSrw2
— Surendra Rajput (@ssrajputINC) June 16, 2026
کانگریس کی ترجمان سپریا شرینیت نے بھی الزام لگایا کہ ٹرمپ نے مودی کو نظر انداز کیا۔ انہوں نے لکھا،’پورے 5 منٹ تک ٹرمپ نے مودی کو نظر انداز کیا، جبکہ مودی ان کے آگے پیچھے منڈلاتے رہے۔ فوٹو کھنچوانے کے بعد مودی خود آگے بڑھ کر ٹرمپ سے ملنے گئے۔ تین ہندوستانیوں کے سفاک قتل کے بعد بھی امریکہ اکڑ کے ساتھ چل رہا ہے، اور ہمارے والے بھیگی بلی بنےہوئے ہیں۔‘
पूरे 5 मिनट तक ट्रम्प ने मोदी को नजरंदाज किया – जबकि मोदी उनके आगे पीछे मंडराते रहे
फोटो खिंचवाने के बाद कमरे में मोदी ख़ुद आगे बढ़कर ट्रंप से मिलने गए
3 भारतीयों की क्रूर हत्या करने के बाद अमेरिका चौड़ा बना चल रहा है
और हमारे वाले भीगी बिल्ली बने हुए हैं pic.twitter.com/Quj0MpfKBn
— Supriya Shrinate (@SupriyaShrinate) June 16, 2026
وہیں،عام آدمی پارٹی نے امریکی فوجی حملے میں ٹینکر ایم ٹی سیٹیبیلو پر سوار تین ہندوستانی شہریوں کی موت کے بعد ٹرمپ سے مودی کی ملاقات کے حوالے سے بیان جاری کرتے ہوئے کہا کہ ہندوستانی شہریوں کی موت کے باوجود وزیر اعظم مودی کا ٹرمپ کے ساتھ دوستانہ انداز میں بات چیت کرنا شرمناک ہے۔
پارٹی نے کہا،’وزیر اعظم مودی ٹرمپ کو جتناچاہے شکریہ ادا کریں اور اس کے سامنے جھک جائیں، لیکن ایک دن اس ملک کو ایسا مضبوط وزیر اعظم ضرور ملے گا جو امریکہ کی آنکھوں میں آنکھیں ڈال کر اس کی ہر بات کا جواب اسی کی زبان میں دے گا۔‘
जिस व्यक्ति ने भारत के तीन नौजवानों की हत्या की, उससे प्रधानमंत्री मोदी का इतनी सहजता और मित्रता से मिलना शर्मनाक है।
प्रधानमंत्री मोदी ट्रंप को जितना चाहे धन्यवाद दे दें और उसके सामने झुक जाएँ, लेकिन एक दिन इस देश को ऐसा मजबूत प्रधानमंत्री जरूर मिलेगा, जो अमेरिका की आँखों में… pic.twitter.com/UdVykEinzu
— AAP (@AamAadmiParty) June 16, 2026
پارٹی کے سربراہ اروند کیجریوال نے ایکس پر لکھا،’پیارے مودی جی، آج آپ فرانس میں ٹرمپ سے ملاقات کر رہے ہیں۔ براہ کرم تین ہندوستانیوں کے قتل پر ہمارا سخت احتجاج اور غصہ ان کے سامنے ظاہر کریں۔ ٹرمپ کے سامنے کھڑے ہو کر اپنی بات کہنے کا حوصلہ دکھائیں۔ آپ نے نہ تو اس واقعہ پر ایک بھی ٹوئٹ کیا اور نہ ہی مرنے والوں کی روح کے سکون کے لیے دعا کی۔ ہندوستان کو ایک مضبوط وزیر اعظم کی ضرورت ہے۔ براہ کرم آج حوصلہ دکھایئے۔‘
Dear Modi ji,
Today you are meeting Trump in France. Pl convey our strong protest and anger over his killing three Indians. Show courage to stand up to Trump. You did not post a single tweet, nor did you pray for the departed souls. India needs a strong PM. Pl show courage… pic.twitter.com/FNbhwbJE8s
— Arvind Kejriwal (@ArvindKejriwal) June 17, 2026
