پچھلے تقریباً ایک ہفتے سے بڑی تعداد میں یومیہ مزدور اور بے گھر لوگ یمنا کے کنارے پڑے ہوئے تھے۔
فوٹو: اے این آئی
نئی دہلی: حال ہی میں سوشل میڈیا پر ایک تصویر وائرل ہوئی تھی جس میں یمنا کنارے بڑی تعداد میں یومیہ مزدور اور بےگھر لوگ رہتے ہوئے دکھائی دیے۔ اس کو لے کر کافی ہنگامہ ہوا کہ سماجی دوری پر عمل نہیں ہو رہا ہے اور اس کی وجہ سے کو رونا وائرس کا انفیکشن پھیلنے کا خطرہ کافی بڑھ سکتا ہے۔
Delhi: Migrant workers evacuated from Kudesiya Ghat near Kashmere Gate, given fruits & shifted to shelter homes set up at govt schools in different parts of Delhi amid #CoronavirusLockdown. pic.twitter.com/SNmasH92ZP
— ANI (@ANI) April 15, 2020
مزدوروں کا کہنا ہے کہ دہلی میں لاک ڈاؤن کی وجہ سے روزگار چھن جانے کے بعد انہیں کھانے پینے کی بہت دقت ہو رہی ہے۔ مزدوروں کو اپنے بچوں اور اہل خانہ کی بھی فکر ستا رہی تھی کیونکہ بہار اور اتر پردیش میں دوردراز گاؤں میں انہیں سخت مشکلات کا سامنا کرنا پڑ رہا ہے۔
اس معاملے کو لے کر ریاست کی کیجریوال سرکار کی کافی تنقید ہوئی۔ بعد میں کیجریوال نے ٹوئٹ کرکے دعویٰ کیا کہ ضرورت مندوں کو مدد پہنچائی جا رہی ہے اور ان مزدوروں کو دوسری جگہ شفٹ کیا جا رہا ہے۔ حالانکہ ابھی یہ صاف نہیں ہے کہ ان لوگوں کو کہاں پر رکھا گیا ہے۔
यमुना घाट पर मज़दूर इकट्ठा हुए। उनके लिए रहने और खाने की व्यवस्था कर दी है। उन्हें तुरंत शिफ़्ट करने के आदेश दे दिए हैं।
रहने और खाने की कोई कमी नहीं है। किसी को कोई भूखा या बेघर मिले तो हमें ज़रूर बतायें।
— Arvind Kejriwal (@ArvindKejriwal) April 15, 2020
دہلی کے وزیر اعلیٰ کیجریوال نے ٹوئٹ کرکے کہا، ‘یمنا گھاٹ پر مزدور اکٹھا ہوئے۔ ان کے لیے رہنے اور کھانے کا انتظام کر دیا ہے۔ انہیں فوراً شفٹ کرنے کے حکم دے دیےہیں۔ رہنے اور کھانے کی کوئی کمی نہیں ہے۔ کسی کو کوئی بھوکا یا بےگھر ملے تو ہمیں ضرور بتائیں۔‘
انڈین ایکسپریس کی خبر کے مطابق یمنا پشتہ پر بیہروں کے شیلٹر ہوم میں آگ لگ گئی تھی جس کی وجہ سے کئی لوگوں کو وہاں سے بھاگنا پڑا تھا۔ اس کے بعدگزشتہ بدھ کو یہاں پر بسیں بھیجی گئیں اور لوگوں کو شہر کے الگ الگ حصوں میں لے جایا گیا۔
