بوٹینیکل گارڈن اور جسولا وہار شاہین باغ کے بیچ میٹرو خدما ت پھر سے بحال کر دی گئی ہیں ۔
فوٹو: اے این آئی
نئی دہلی : کالندی کنج میٹر و اسٹیشن کے نزدیک فرنیچر بازار میں جمعہ کی صبح آگ لگنے کی وجہ سے کچھ گھنٹوں تک میٹرو خدمات روک دی گئی تھی ۔ افسروں نے یہ جانکاری دی ہے ۔ چیف فائر آفیسراتل گرگ نے کہا کہ ، صبح 5 بجکر 55 منٹ پر لگی آگ کو فائر ڈپارٹمنٹ کی 17 گاڑیوں کی مدد سے قابو میں کیا گیا۔ انہوں نے کہا کہ اس میں کوئی زخمی نہیں ہوا ۔ انہوں نے مزید کہا کہ فی الحال افسران میٹرو کا مشاہدہ کر رہے ہیں ۔
Delhi: Fire broke out in a furniture market near Kalindi Kunj metro station, early morning today. Fire official says, "No injuries till now. Fire-fighting operation underway." pic.twitter.com/gV9f0wHtth
— ANI (@ANI) June 21, 2019
دہلی میٹرو نے اپنے ایک ٹوئٹ میں جانکاری دی کہ آگ اور دھوئیں کی وجہ سے جسولا وہار شاہین باغ اور کالندی کنج کے بیج ٹرینوں کی آمد ورفت عارضی طور پر روک دی گئی تھی۔ ٹوئٹ میں کہا گیا کہ ، جنک پوری ویسٹ اور جسولا وہار شاہین باغ کے بیچ میٹرو کو فی الحال چلایا جارہا ہے ۔ کالندی کنج اور بوٹینیکل گارڈن کے بیچ خدما ت بند کر دی گئیں ۔ حالاں کہ صبح 10 بجکر 30 منٹ پر دوبارہ میٹرو خدمات کو بحال کر دیا گیا ۔ دہلی میٹرو نے اپنے ایک اور ٹوئٹ میں کہا کہ، بوٹینیکل گارڈن اور جسولا وہار شاہین باغ کے بیچ میٹرو خدما ت پھر سے بحال کر دی گئی ہیں ۔
Train services have resumed between Botanical Garden and Jasola Vihar Shaheen Bagh. Thank you for your patience.
— Delhi Metro Rail Corporation (@OfficialDMRC) June 21, 2019
واضح ہوکہ آگ کی وجہ احتیاطاً دہلی میٹرو نے بوٹینیکل گارڈن سے کالندی کنج کے بیچ میٹرو خدمات کو روک دیا گیا تھا۔ وہیں حادثے کے بعد میٹرو اتھارٹی کی ہدایت پر ملازمین نے کرین کی مدد سے میٹرو پلر کو ہوئے نقصان کا جائزہ لیا۔
غور طلب ہے کہ پیک آور میں میٹرو خدمات متاثر ہونے کی وجہ سے مسافروں کو کافی پریشانی کاسامنا کرنا پڑا۔ آگ لگنے کی وجہ شارٹ سرکٹ بتائی جارہی ہے ۔ وہیں دکانداروں نے بتایا کہ آگ میں لاکھوں کے سامان جل کر خاک ہوگئے ۔
(خبر رساں ایجنسی بھاشاکے ان پٹ کے ساتھ)
