یوگی آدتیہ ناتھ اتر پردیش کے مرادآباد میں ایک ہاسپٹل کا دورہ کرنے گئے تھے ۔ الزام ہے کہ وزیر اعلیٰ کے آنے سے پہلے صحافیوں کو ایک کمرے میں بند کردیا گیا ،تاکہ وہ سوال نہ پوچھ سکیں ۔
یوگی آدتیہ ناتھ (فوٹو : پی ٹی آئی)
نئی دہلی : اتر پردیش کے وزیر اعلیٰ یوگی آدتیہ ناتھ کے مرادآبادواقع ایک ہاسپٹل کے دورے کو لے کر تنازعہ ہوگیا ہے ۔ موقع پر موجود مقامی صحافیوں کے ایک گروپ نے الزام لگایا ہے کہ وزیر اعلیٰ کے آنے پر ان کو ایک کمرے میں بند کردیا گیا ، تاکہ وہ یوگی سے مشکل سوال نہ پوچھ سکیں ۔
جبکہ کانگریس کی پرینکا گاندھی واڈرا سمیت اپوزیشن نے الزامات کے بعد حکومت کو تنقید کا نشانہ بنایا ہے۔ حالاںکہ ضلع مجسٹریٹ نے ایسے کسی واقعے سے انکار کیا ہے۔
पत्रकार बंधक बनाए जा रहे हैं, सवालों पर पर्दा डाला जा रहा है, समस्याओं को दरकिनार किया जा रहा है। प्रचंड बहुमत पाने वाली उप्र भाजपा सरकार जनता के सवालों से ही मुँह बिचका रही है।
नेताजी ये पब्लिक है ये सब जानती है। सवाल पूछेगी भी और जवाब लेगी भी।https://t.co/cIUt3IQfon
— Priyanka Gandhi Vadra (@priyankagandhi) June 30, 2019
پرینکا گاندھی نے ٹوئٹ کر کے لکھا ہے کہ ،’ صحافی قید کیے جارہے ہیں ، سوالوں پر پردہ ڈالا جارہا ہے ، مسائل کو درکنار کیا جاریا ہے ۔ اترپردیش کی اکثریت والی بی جے پی حکومت عوام کے سوالوں سے منھ بچکا رہی ہے ۔ نیتا جی یہ پبلک ہے سب جانتی ہے ۔ سوال پوچھے گی بھی اور جواب بھی لے گی۔’
آئی اے این ایس کی رپورٹ کے مطابق: صحافیوں نے الزام لگایا تھا کہ وزیر اعلیٰ کے دورے سے پہلے،ان کو 2 گھنٹے کے لیے ایمرجنسی وارڈ میں بند کر دیا گیا تھا۔ انھوں نے یہ بھی کہا کہ ضلع مجسٹریٹ راکیش کمار سنگھ نے یہ یقینی بنانے کے لیے گیٹ کے باہر گارڈ تعینات کیے تاکہ صحافی سنیچر کو وزیر اعلیٰ کی موجودگیکے دوران باہر نہ آسکیں۔
Uttar Pradesh CM Yogi Adityanath visited Moradabad district hospital for an inspection pic.twitter.com/6pHuUCTI9n
— ANI UP (@ANINewsUP) June 30, 2019
وزیر اعلیٰ کے جانے کے آدھے گھنٹے بعد ،سنگھ مبینہ طور سے آئے اور گیٹ کو کھول دیا۔ ایسا کرنے کے لیے انھوں نے صحافیوں کو ہی ذمہ دار ٹھہرایا۔انھوں نے میڈیا اہلکاروں کو ضلع ہاسپٹل کا دورہ نہ کرنے کے لیے بھی کہا۔حالانکہ راکیش کمار سنگھ کا کہنا ہے کہ ایسا کوئی واقعہ نہیں ہوا تھا۔
Rakesh Kumar Singh, District Magistrate on reports of media persons locked up in Moradabad district hospital emergency ward during CM's visit yesterday: The allegation that media persons were locked up is baseless. They were just stopped by police near the door of emergency ward. pic.twitter.com/NDPhubUtwp
— ANI UP (@ANINewsUP) June 30, 2019
اے این آئی کے مطابق؛ سنگھ نے کہا،’یہ صحیح نہیں ہے۔ جانچ کے دوران کئی میڈیا اہلکار وارڈ کے اندر تھے اور ہم نے میڈیا اہلکاروں سے بس وارڈ کے اندر نہ جانے کی گزارش کی تھی۔’
حالانکہ انھوں نے یہ قبول کیا کہ پولیس نے صحافیوں کو داخل ہونے سے روکا تھا،لیکن صرف اس لیے کیوں کہ ہاسپٹل میں پہلے سے ہی بھیڑ بھاڑ کے حالات پیدا ہو گئےتھے۔
