مسلمان عورت (شادی پر حقوق کےتحفظ) آرڈیننس، 2019 کے اہتماموں کے مطابق؛ اگر کوئی مسلم شوہر اپنی بیوی کو زبانی، تحریری یا الیکٹرانک طریقے سے یا کسی اور طریقے سے تین طلاق دیتا ہے تو یہ غیر قانونی ہوگا۔ طلاق ثلاثہ کا جرم ثابت ہونے پر شوہر کو 3 سال تک کی سزا کا اہتمام کیا گیا ہے۔
فوٹو: پی ٹی آئی
نئی دہلی: پارلیامنٹ نے مسلم خواتین کو تین طلاق دینے کی روایت پر روک لگانے کے اہتمام والے ایک تاریخی بل کو منگل کو منظوری دے دی۔ بل میں تین طلاق کا جرم ثابت ہونے پر متعلقہ شوہر کو 3 سال تک کی سزا کا اہتمام کیا گیا ہے۔ مسلمان عورت (شادی پر حقوق کےتحفظ) آرڈیننس، 2019کو راجیہ سبھا نے 84 کے مقابلے 99 ووٹ سے پاس کر دیا۔غور طلب ہے کہ لوک سبھا اس بل کو پہلے ہی منظور کر چکی ہے۔
اس سے پہلے اپر ہاؤس نے بل کو سلیکٹ کمیٹی میں بھیجنے کے اپوزیشن کے ممبروں کے ذریعے لائی گئی تجویز کو 84 کے مقابلے 100 ووٹ سے خارج کر دیا۔بل پر لائے گئے کانگریس کے دگوجئے سنگھ کی ایک ترمیم کو ایوان نے 84 کے مقابلے 100 ووٹ سے خارج کر دیا۔بل پاس ہونے سے پہلے ہی جے ڈی یو اور اے آئی اے ڈی ایم کے کے ممبروں نے اس کی مخالفت کرتے ہوئے ایوان سے واک آؤٹ کیا۔
I thank all parties and MPs who have supported the passage of The Muslim Women (Protection of Rights on Marriage) Bill, 2019 in both Houses of Parliament. They have risen to the occasion and this step of theirs will forever be remembered in India’s history.
— Narendra Modi (@narendramodi) July 30, 2019
وزیراعظم نریندر مودی نے اس موقع پر ٹوئٹ کر کہا کہ ،’پورے ملک کے لیے آج ایک تاریخی دن ہے۔ آج کروڑوں مسلم ماؤں-بہنوں کی جیت ہوئی ہے اور ان کو عزت سے جینے کا حق ملا ہے۔ صدیوں سے تین طلاق کی بری روایت سے متاثرہ مسلم خواتین کو آج انصاف ملا ہے۔ اس تاریخی موقع پر میں سبھی رکن پارلیامانوں کا شکریہ ادا کرتا ہوں۔’
This is an occasion to salute the remarkable courage of those Muslim women who have suffered great wrongs just due to the practice of Triple Talaq.
The abolition of Triple Talaq will contribute to women empowerment and give women the dignity they deserve in our society.
— Narendra Modi (@narendramodi) July 30, 2019
بتا دیں کہ وزیر اعظم نریندر مودی کی قیادت والی مرکزی حکومت نے ستمبر 2018 اور فروری 2019 میں دو بار تین طلاق آرڈیننس جاری کیا تھا۔ اگرچہ، لوک سبھا میں اس متنازعہ بل کی منظوری کے بعد وہ راجیہ سبھا میں زیر التوا رہا تھا۔راجیہ سبھا میں زیر التوا ہونے کی وجہ سے گزشتہ ماہ 16 ویں لوک سبھا کے تحلیل ہونے کے بعد پچھلا بل غیر مؤثر ہو گیا تھا۔مسلمان عورت (شادی پر حقوق کےتحفظ) آرڈیننس، 2019 کے تحت تین طلاق کے تحت طلاق غیر قانونی اور غلط ہے اور شوہر کو اس کے لئے تین سال کی قید کی سزا ہو گی۔
(خبر رساں ایجنسی بھاشا کے ان پٹ کے ساتھ)
