سپریم کورٹ نے کہا فیض آباد میں ہوگی ثالثی۔سپریم کورٹ کے ریٹائرڈ جج ایف ایم خلیف اللہ کی صدارت میں بنی 3 رکنی کمیٹی میں شری شری روی شنکر اور سینئر وکیل شری رام پنچو شامل ہیں۔
(فوٹو : پی ٹی آئی)
نئی دہلی:سپریم کورٹ نے ایودھیا رام جنم بھومی -بابری مسجد تنازعہ کو دوستانہ سمجھوتے کے لیے جمعہ کو ثالثی پینل کو سونپ دیا ہے۔ سپریم کورٹ کے ریٹائرڈ جج ایف ایم خلیف اللہ معاملے میں ثالثی کرنے والے پینل کے چیف ہوں گے۔3 رکنی اس کمیٹی میں شری شری روی شنکر اور سینئر وکیل شری رام پنچوبھی شامل ہیں۔
عدالت نے یہ بھی کہا کہ ثالثی کی کارروائی کیمرے کے سامنے ہوگی۔حالانکہ پروسیس خفیہ رکھا جائے گا اور میڈیا میں اس کی رپورٹنگ نہیں کی جائے گی۔
Ram Janmabhoomi-Babri Masjid land dispute case: Supreme Court says, mediators can co-opt more on the panel if necessary. Uttar Pradesh government to provide mediators all the facilities in Faizabad. Mediators can seek further legal assistance as and when required.
— ANI (@ANI) March 8, 2019
جمعہ کو عدالت نے کہا کہ اتر پردیش حکومت فیض آباد میں سبھی سہولیات مہیا کروائے۔ساتھ ہی یہ بھی کہا کہ اگر ثالثی کو کسی طرح کی قانونی مدد کی ضرورت ہو تو وہ اس کو لے سکتے ہیں۔
Ram Janmabhoomi-Babri Masjid land dispute case: Supreme Court in its order also said that the reporting of the mediation proceedings in media will be banned. https://t.co/QpjYDyemmS
— ANI (@ANI) March 8, 2019
کورٹ نے یہ بھی کہا ہے کہ 4 ہفتوں کے اندر اس معاملے میں ہوئی پروگریس رپورٹ عدالت کو دی جائے۔غور طلب ہے کہ چیف جسٹس رنجن گگوئی کی صدارت والی سپریم کورٹ کی پانچ ججوں کی آئینی بنچ نے سبھی فریقین کی دلیلیں سننے کے بعد بدھ کو اپنا فیصلہ محفوظ رکھ لیاتھا۔
اس سے پہلے بنچ نے کہا تھا کہ اگر ثالثی کا ایک فیصدی بھی امکان ہو تو سیاسی طور پر حساس اس زمینی تنازعے کے حل کے لئے اس کو ایک موقع دیا جانا چاہیے۔لائیو لاء کے مطابق، ہندو فریق نے معاملے کو ثالثی کو سونپنے کی مخالفت کی۔ انہوں نے عدالت میں کہا کہ یہ معاملہ جائیداد کے تنازعے کا نہیں ہے بلکہ عقیدہ اور یقین کا ہے۔رام للا وراجمان کی طرف سے پیش ہوتے ہوئے سینئر وکیل سی ایس ویدیہ ناتھن نے کہا، یہ یقین ہے کہ اس مقام پر بھگوان رام کا جنم ہوا تھا۔ ہم کہیں اور مسجد بنوانے کے لئے چندہ جمع کرنے کے لئے تیار ہیں۔
ویڈیو؛کیسے ہو برابری کا سمجھوتہ؟
اس سے پہلے 26 فروری کو چیف جسٹس رنجن گگوئی کی صدارت والی پانچ رکنی آئینی بنچ نے کہا تھاکہ اس معاملے کو عدالت کے ذریعے تقرر ثالثی کو سونپنے یا نہیں سونپنے کے بارے میں پانچ مارچ کو حکم دیا جائےگا۔بنچ نے عدالت کی رجسٹری سے کہا تھا کہ تمام فریقوں کو 6 ہفتے کے اندر سارے دستاویزوں کی ترجمہ شدہ کاپیاں دستیاب کرائیں۔ بنچ نے کہا تھا کہ اس معاملے پر اب آٹھ ہفتے بعد سماعت کی جائےگی۔
واضح ہو کہ، الٰہ آباد ہائی کورٹ کے 2010 کے فیصلے کے خلاف سپریم کورٹ میں کل 14 اپیل دائر کی گئی ہیں۔ہائی کورٹ نے 2.77 ایکڑ متنازعہ کو زمین تین حصوں میں سنی وقف بورڈ، رام للا اور نرموہی اکھاڑا کے درمیان بانٹنے کا حکم دیا تھا۔
بدھ کی شنوائی کے بعد نرموہی اکھاڑہ جیسے ہندو تنظیموں نے ریٹائرڈ ججوں-جسٹس کرین جوزف ،جسٹس اے کے پٹنایک اور جسٹس جی ایس سنگھوی کے نام ثالثی کے نام کے طور پر سجھائے جبکہ سوامی چکر پانی دھڑے ہندو مہا سبھا نے سابق چیف جسٹس-جسٹس جے ایس کھیہر اور جسٹس دیپک مشرا اور جسٹس اے کے پٹنایک(ریٹائرڈ)کا نام تجویز کیا تھا۔
KP Maurya,Dy CM on SC refers Ram Janmabhoomi-Babri Masjid land dispute case for court appointed&monitored mediation:Won't question SC order. In the past,efforts made to arrive at a solution,but with no success. No LordRam devotee or saint wants delay in construction of Ram Mandir pic.twitter.com/aNUy1eqdj1
— ANI UP (@ANINewsUP) March 8, 2019
جمعہ کو عدالت کے فیصلے کے بعد اتر پردیش کے وزیر اعلیٰ کیشو پرساد موریہ نے کہا کہ وہ سپریم کورٹ کے فیصلے پر سوال نہیں اٹھائیں گے۔حالانکہ اس سے پہلے بھی بات چیت سے حل نکالنے کی کوشش کی گئی تھی لیکن ان کا کوئی نتیجہ نہیں نکلا۔کوئی بھی رام بھکت یا سنت رام مندر کی تعمیر میں تاخیر نہیں چاہتا۔
AIMPLB member & convener of Babri Masjid Action Committee Zafaryab Jilani, on SC order on Ram Janmabhoomi-Babri Masjid land dispute case: We have already said that we will cooperate in the mediation. Now, whatever we have to say, we will say it to the mediation panel, not outside pic.twitter.com/sEAcBDPP7z
— ANI (@ANI) March 8, 2019
عدالت کے ثالثی کے فیصلے پر آل انڈیا مسلم پرسنل لاء بورڈ کے ممبر اور بابری مسجد ایکشن کمیٹی کے کنوینر ظفر یاب جیلانی نے کہا،’ہم پہلے ہی کہہ چکے ہیں کہ ہم ثالثی میں تعاون کریں گے۔اب ہمیں جو بھی کہنا ہے ،ہم باہر نہ کہہ کر،ثالثی کمیٹی سے کہیں گے۔’
(خبر رساں ایجنسی بھاشا کے ان پٹ کے ساتھ)
