سوشل میڈیا پر سامنے آئے ایک ویڈیو میں ایک ٹیچر اپنی کلاس کے بچوں سے ایک مسلمان ہم جماعت بچےکو تھپڑ مارنے کے لیے کہتے ہوئے فرقہ وارانہ تبصرہ کرتی نظر آ رہی ہیں۔ پولیس نے بتایا ہے کہ ویڈیو مظفر نگر کے منصور پور تھانہ حلقہ کے قریب کھبہ پور گاؤں کے ایک نجی اسکول کا ہے۔
(علامتی تصویر، بہ شکریہ: بیری پوسمین/فلکر، CC BY 2.0)
نئی دہلی: سوشل میڈیا پر سامنے آئے ایک ویڈیو میں اتر پردیش کے مظفر نگر کے ایک پرائیویٹ اسکول کی ٹیچر اپنی کلاس کے بچوں کو ایک ایک کر کے آٹھ سالہ مسلمان طالبعلم کو تھپڑ مارنے کی ہدایت دیتی نظر آ رہی ہیں۔ 40 سیکنڈ کے اس ویڈیو میں کلاس کے بچے متاثرہ طالبعلم کو مارتے ہیں اور ٹیچر ان کی حوصلہ افزائی کرتی نظر آتی ہیں۔
ویڈیو پر رد عمل ظاہر کرتے ہوئے ڈی ایس پی روی شنکر نے میڈیا کو بتایا کہ وائرل ویڈیو منصور پور تھانہ حلقہ کے قریب کھبہ پور گاؤں کے ایک گھر میں چلنے والے اسکول کا ہے اور مقامی پولیس اس کی تحقیقات کر رہی ہے۔ انہوں نے کہا، ‘ابتدائی تحقیقات سے پتہ چلا ہے کہ ایک خاتون ٹیچر نے اسکول کا کام پورا نہ کرنے پر کچھ بچوں سےدوسرے بچے کو مارنے کو کہا اور اشتعال انگیز تبصرےکیے۔
ویڈیو میں متاثرہ بچہ رو رہا ہے اور ٹیچر کے کہنے پر ہم جماعت بچے اسے تھپڑ مار رہے ہیں۔ عورت کیمرے کے پیچھے موجود شخص سے کہتی ہیں، ‘میں نے ڈیکلیئر کر دیا ہے،جتنے بھی محمڈن بچے ہیں، ان کے وہاں چلے جاؤ…’ان کی بات سےکیمرے کے پیچھے والا شخص اتفاق کرتا ہے۔
اس کے بعد مسلمان طالبعلم کو مارنے کے بعد ایک بچہ بیٹھتا ہے ٹیچراس سے کہتی ہے ‘کیا تم مار رہے ہو؟ زور سے مارو نہ۔‘ پھر وہ پوچھتی ہیں، ’چلو، اب کس کا نمبر ہے؟‘
متاثرہ بچے کے مسلسل رونے کے درمیان وہ کہتی ہیں، ‘اب کی بار کمر پر مارو… چلو، منہ پہ نہ مارو اب منہ لال ہو رہا ہے… کمر پہ مارو سارے’۔
ایڈیشنل ایس پی ستیہ نارائن پرجاپت نے ایک اور بیان میں کہا کہ اشتعال انگیز ریمارکس کی جانچ کرتے ہوئے پولیس کو پرنسپل سے پتہ چلا کہ خاتون ٹیچر نے کہا تھا کہ،’جن مسلم بچوں کی ماں بچوں کی پڑھائی پر دھیان نہیں دیتی ہیں،ان بچوں کی پڑھائی تباہ ہوجاتی ہے۔’ متعلقہ افسر نے بتایاکہ اس کی تصدیق ویڈیو ریکارڈ کرنے والے شخص نے کی ہے۔
➡️थानाक्षेत्र मंसूरपुर के ग्राम खुब्बापुर के स्कूल में अध्यापिका द्वारा एक छात्र की कक्षा के अन्य छात्रों से पिटाई कराने तथा धार्मिक टिप्पणी करने के सम्बन्ध में पुलिस अधीक्षक नगर श्री सत्यनारायण प्रजापत महोदय द्वारा दी गई बाईटः- pic.twitter.com/HuqOTLm0hb
— MUZAFFARNAGAR POLICE (@muzafarnagarpol) August 25, 2023
اس دوران بیسک ایجوکیشن آفیسر شبھم شکلا نے کہا کہ ویڈیو میں نظر آنے والی ٹیچر اور اسے اکسانے والے کے خلاف کارروائی کی جائے گی۔ انہوں نے مظفر نگر میں نامہ نگاروں کو بتایا،’اسکول انتظامیہ کے خلاف بھی کارروائی کی جائے گی۔’
دی وائر نے آٹھ سالہ طالبعلم کے والد ارشاد سے رابطہ کیا، جو ایک کسان ہیں۔
بتایا گیا کہ یہ واقعہ 24 اگست کو صبح 9 بجے کے قریب پیش آیا۔ بچے کے قریبی ذرائع نے دی وائر کو بتایا کہ بچے کو پیٹے جانے پر ٹیچر نے کہا تھا کہ ‘مسلمانوں کو پیٹا جانا چاہیے’۔
ارشاد نے بتایا کہ اس سے قبل ان کے بھانجے کو بھی اسکول میں مارا پیٹا گیا تھا، اس بارے میں انہیں پتہ چلا تھا لیکن انہوں نے اس پر توجہ نہیں دی۔کیوں کہ عموماً اسکولوں میں ایسا ہوتا رہتا ہے۔ انہوں نے بتایا کہ ‘مجھےاس بات سے کوئی مسئلہ نہیں ہے کہ ٹیچر بچے کو ڈسپلن سکھائیں،لیکن یہ غلط ہے۔’بتایا گیا کہ جب ارشاد نے ٹیچر سے اس بارے میں بات کی تو انہوں نے مبینہ طور پر ارشاد کو دھمکی دی۔ ارشاد کہتے ہیں،’اس کے بعد میں نے اپنے بچے کا داخلہ کینسل کروانے کا فیصلہ کیا اور اسے اسکول بھیجنا بند کردیا۔
بتایا گیا ہے کہ ویڈیو وائرل ہونے کے بعد ٹیچر نے ارشاد سے ‘معافی’ مانگی اور وعدہ کیا کہ ایسا دوبارہ نہیں ہوگا۔ مبینہ طور پر ارشاد نے بھی اس معاملے کو مزید آگے نہ بڑھانے کا سوچا۔ ابتدائی طور پر انہوں نے کہا تھا کہ وہ اس معاملے کو مزید آگے نہیں بڑھانا چاہتے کیونکہ انہیں لگا کہ ان کی بات ٹھیک سے نہیں سنی جائے گی اور تنازعہ فرقہ وارانہ ہم آہنگی کو بگاڑ سکتا ہے۔
تاہم، جب سوشل میڈیا پر ٹیچر کے خلاف غم و غصہ بڑھنے لگا تو ارشاد نے قانونی کارروائی کرنے کا فیصلہ کیا۔ انہوں نے کہا، ‘میں نہیں چاہتا کہ یہ کسی اور کے بچے کے ساتھ دہرایا جائے۔’
دریں اثنا، نیشنل کمیشن فار پروٹیکشن آف چائلڈ رائٹس (این سی پی سی آر) کے سربراہ پریانک کانون گو نے زور دے کر کہا ہے کہ اس ویڈیو کو مزید نشر نہیں کیا جانا چاہیے۔
उत्तरप्रदेश के मुज़फ़्फ़रनगर में एक शिक्षिका द्वारा कक्षा में बच्चे को अन्य बच्चों से पिटवाये जाने की घटना की जानकारी मिली है।
संज्ञान ले कर कार्यवाही हेतु निर्देश जारी किए जा रहे हैं,सभी से निवेदन है कि बच्चे का वीडियो शेयर न करें इस तरह की घटना की जानकारी ईमेल द्वारा दें,बच्चों…— प्रियंक कानूनगो Priyank Kanoongo (@KanoongoPriyank) August 25, 2023
رہنماؤں نے برہمی کا اظہار کیا
دریں اثناء رہنماؤں نے اس واقعہ پر دکھ کا اظہار کیا ہے۔ کانگریس کے رکن پارلیامنٹ راہل گاندھی نے ایک ٹوئٹ میں کہا، ‘معصوم بچوں کے ذہنوں میں امتیازی سلوک کا زہر گھولنا، اسکول جیسے مقدس مقام کو نفرت کے بازار میں تبدیل کرنا – ایک ٹیچر ملک کے لیے اس سے برا کچھ نہیں کرسکتا۔ یہ وہی مٹی کا تیل ہے جو بی جے پی نے پھیلایا ہے جس نے ہندوستان کے کونے کونے میں آگ لگا رکھی ہے۔ بچے ہندوستان کا مستقبل ہیں – ان کو نفرت نہیں، ہم سب کو مل کر محبت سکھانی ہے۔’
मासूम बच्चों के मन में भेदभाव का ज़हर घोलना, स्कूल जैसे पवित्र स्थान को नफ़रत का बाज़ार बनाना – एक शिक्षक देश के लिए इससे बुरा कुछ नहीं कर सकता।
ये भाजपा का फैलाया वही केरोसिन है जिसने भारत के कोने-कोने में आग लगा रखी है।
बच्चे भारत का भविष्य हैं – उनको नफ़रत नहीं, हम सबको मिल…
— Rahul Gandhi (@RahulGandhi) August 25, 2023
راجیہ سبھا کے رکن پارلیامنٹ اور آر ایل ڈی لیڈر جینت سنگھ نے کہا، ‘مظفر نگر اسکول کا ویڈیو ایک دردناک وارننگ ہے کہ کس طرح گہرا مذہبی امتیازحاشیے پر پڑے اقلیتی برادریوں کے خلاف تشدد کو ہوا دے سکتا ہے۔ مظفر نگر کے ہمارے ایم ایل اے اس بات کو یقینی بنائیں گے کہ یوپی پولیس از خود مقدمہ درج کرے اور بچے کی پڑھائی متاثر نہ ہو۔
भाजपा की मध्य प्रदेश सरकार ने एक छोटी सी बात पर एक स्कूल पर बुलडोज़र चला दिया था। यहाँ एक बच्चे को उसके मज़हब की बुनियाद पर पीटा जा रहा है, और एक “कड़ी निंदा” वाला ट्वीट तक नहीं आता।
— Asaduddin Owaisi (@asadowaisi) August 25, 2023
وہیں،اے آئی ایم آئی ایم کے صدر اسدالدین اویسی نے برہمی کا اظہار کرتے ہوئے ٹوئٹ کیا ہے کہ ،بی جے پی کی مدھیہ پردیش حکومت نے ایک چھوٹی سی باتے پر ایک اسکول پر بلڈوز چلا دیا تھا۔ یہاں ایک بچے کو اس کے مذہب کی بنیاد پر پیٹا جا رہا ہے، اور ‘کڑی نندا’ والاٹوئٹ تک نہیں آتا۔
(انگریزی میں پڑھنے کے لیےیہاں کلک کریں۔)
