یہ معاملہ امیٹھی ضلع کے گوڈین کے پروا گاؤں کا ہے۔ نامعلوم بدمعاش فوج کے ریٹائر کیپٹن امان اللہ خان کے گھر کے پاس دکان سے چوری کر رہے تھے۔ امان اللہ خان کی بیوی نے بتایا کہ ان کے شوہر نے چوری کی مخالفت کی تھی۔
فوج کے ریٹائر کیپٹن کے قتل کے بعد جائے واردات کا معائنہ کرتی پولیس (فوٹو بہ شکریہ : اے این آئی)
نئی دہلی: اتر پردیش کے امیٹھی میں کمرولی تھانہ حلقے کے گوڈین کے پروا گاؤں میں 28 جولائی کی دیر رات کو فوج کے ایک ریٹائر کیپٹن امان اللہ خان کا نامعلوم بدمعاشوں نے لاٹھی-ڈنڈوں سے پیٹ پیٹ کر قتل کر دیا۔امان اللہ خان کے بیٹے ابراہیم نے بتایا کہ ان کے ماں باپ سڑک کنارے بنے مکان میں رہتے تھے۔ رات کو کچھ بدمعاش گھر آئے اور والد امان اللہ خان اور ماں امینہ کو رسی سے باندھ دیا اور والد کے سر پر لاٹھی-ڈنڈوں سے وار کر کے ان کا قتل کر دیا۔امیٹھی کے ایڈیشنل سپرنٹنڈنٹ پولیس دیارام نے اتوار کو بتایا کہ پولیس نے لاش کو پوسٹ مارٹم کے لئے بھیج دیا ہے۔ معاملے کی تفتیش چل رہی ہے۔
کانگریس جنرل سکریٹری نے اس واقعہ کو لےکر اتر پردیش کے یوگی آدتیہ ناتھ کو تنقید کا نشانہ بنایا ہے۔ پرینکا گاندھی نے ٹوئٹ کرتے ہوئے لکھا، ‘ یوپی کا لاء اینڈ آرڈر اب انتظامیہ کے ہاتھ سے نکل گیا ہے۔ جرم ہوتے جا رہے ہیں لیکن بی جے پی حکومت کی منشا صرف لیپا پوتی کرنے کی ہے۔ یہ میرے گھر امیٹھی کا واقعہ ہے۔ کیا بی جے پی حکومت سے واقعی اس مسئلہ کا کوئی حل نکلےگا یا اسی طرح لیپاپوتی کر کے سوتی رہےگی؟ ‘
उप्र की कानून व्यवस्था अब प्रशासन के हाथ से निकल गयी है। अपराध होते जा रहे हैं लेकिन भाजपा सरकार की मंशा केवल लीपा-पोती करने की है।
ये मेरे घर अमेठी की घटना है। क्या भाजपा सरकार से वाकई में इस समस्या का कोई हल निकलेगा या इसी तरह लीपापोती कर सोती रहेगी?https://t.co/F9sc0zehuW
— Priyanka Gandhi Vadra (@priyankagandhi) July 28, 2019
اے ایس پی دیارام نے بتایا کہ امان اللہ خان کی بیوی نے پولیس کو بتایا کہ کچھ لوگ ان کے گھر سے سٹی دکان سے چوری کرنے کی کوشش کر رہے تھے، جب ان کے شوہر نے اس کی مخالفت کی اور کہا کہ وہ پولیس کو اس کی اطلاع دے دیںگے۔ اس پر وہ لوگ ان کے گھر میں گھسے اور اس کے ساتھ مارپیٹ کی۔ حملہ آوروں نے ان کا گلا گھونٹنے کی بھی کوشش کی۔
امان اللہ خان کے بیٹے ابراہیم نے بتایا کہ جب واقعہ ہوا تو فیملی کا کوئی دوسرا ممبر گھر میں موجود نہیں تھا۔ ابراہیم کی تحریر پر نامعلوم بدمعاشوں کے خلاف معاملہ درج کر کے تفتیش کی جا رہی ہے۔
Amethi SP Rajesh Kumar: Deceased&his wife were sleeping in verandah of their newly-constructed house when some thieves came to steal road construction material of a contractor kept in a vacant area outside the house.He raised an alarm,thieves thrashed him to death. Some ppl held pic.twitter.com/XdmJwLuebU
— ANI UP (@ANINewsUP) July 28, 2019
خبر رساں ایجنسی اے این آئی سے بات چیت میں امیٹھی کے ایس پی راجیش کمار نے بتایا، ‘ مرنے والے اور ان کی بیوی اپنے نئے بنے گھر میں سو رہے تھے جب چور ان کے گھر کے باہر رکھے ایک ٹھیکے دار کا سڑک تعمیر سے جڑے سامان چوری کر رہے تھے۔ امان اللہ خان نے اس کی مخالفت کی تھی جس کے بعد ان کا پیٹ پیٹکر قتل کر دیا گیا ہے۔ اس بارے میں کچھ لوگوں کو حراست میں لیا گیا ہے۔ ‘
(خبر رساں ایجنسی بھاشا کے ان پٹ کے ساتھ)
