کپل مشرا کے متنازعہ ویڈیو پر کارروائی کا حکم دینے والے افسرمعطل

آشیش جوشی نے سوموار کو دہلی کے ایم ایل اے کپل مشرا کے خلاف دہلی کے پولیس کمشنر سے شکایت کی تھی ۔ اس کے  ایک دن بعد ہی جوشی کو معطل کرنے کا حکم جاری کیا گیا۔

آشیش جوشی ، فوٹو: اے این آئی

نئی دہلی : مرکزی حکومت نے منگل کو ٹیلی کام محکمہ ایک سینئر افسر کو معطل کر دیا ہے ۔ افسر کوفوری اثر سے معطل عام آدمی پارٹی کے باغی ایم ایل اے کپل مشرا کے متنازعہ ویڈیو کو لے کر دہلی کے پولیس کمشنر سے شکایت کی بنیاد پر کیا گیا ہے۔انڈین ایکسپریس کے مطابق، ٹیلی کام محکمہ کے اسسٹنٹ ڈائریکٹر (ایس ای اے) اوپی جئے رتھ نے ٹیلی کام محکمہ کے کنٹرولر آف کمیونی کیشن  آشیش جوشی کو معطل کرنے کا حکم جاری کیا ہے۔

ٹیلی کام محکمہ کے 26 فروری کے حکم کے مطابق، حاکم مقتدر(Competent authority)سینئر لیول ایڈمنسٹریشن (ایس اے جی) کے افسر آشیش جوشی کو فوری اثر سے معطل کر دیا ہے ۔وہ کنٹرولر آف کمیونی کیشن ،اتراکھنڈ میں تعینات ہیں۔اس آرڈر میں کہا گیا ہے کہ سوموار کو آشیش جوشی نے دہلی پولیس چیف امولیہ پٹنایک کو ایک خط لکھ کر کہا تھا کہ ، کپل مشرا نے سوشل میڈیا پر  ایک اشتعال انگیزویڈیو شیئر کیا ہے ، جس میں وہ لوگوں کو کچھ شہریوں پر حملہ کرنے کے لیے اکسا رہے ہیں ۔ یہ ویڈیو آئی پی سی اور آئی ٹی ایکٹ کی خلاف ورزی ہے۔

ٹیلی کام محکمہ کے ایک سینئر افسر نے بتایا کہ ، جوشی کو معطل کرنے کی وجہ یہ ہے کہ انہوں نے اپنے عہدے کا غلط استعمال کیا ہے ، لوگوں کو غلط فہمی میں رکھا ہے اور ڈسپلن کے اصولوں کی خلاف ورزی کی ہے ۔ مسئلہ یہ ہے کہ انہوں نے یہ کام نجی طور پر نہیں کیا بلکہ سرکاری طور پر کیا ہے۔

ایک دوسرے افسر نے کہا کہ ، جوشی نے کپل مشرا کے بارے میں دہلی پولیس چیف کو خط لکھنے کو لے کر اپنے سینئر افسروں کو اعتماد میں نہیں لیا ۔ افسروں نے جوشی کے ذریعے اس مہینے کی شروعات میں ٹیلی کام آپریٹر کو بھیجے خط کا بھی ذکر کیا ،جس میں جوشی نے لوگوں کو گندے اور بھدے پیغام بھیجنے کے لیے ٹیلی کام نیٹ ورک کے غلط استعمال کا حوالہ دیا تھا۔

جوشی نے 19 فروری کو ٹیلی کام آپریٹروں کو جاری ہدایت میں ٹیلی کام آپریٹروں سے ان لوگوں کے خلاف کارروائی کرنے کو کہا تھا جو بیہودہ اور بھدے پیغام لوگوں کو بھیجتے ہیں ۔ ساتھ ہی ایسے صارفین کے خلاف شکایت درج کرانے کو لے کر ایک ہیلپ لائن قائم کرنے کو کہا تھا۔

اپنے خط میں جوشی نے کہا تھا کہ ، رویش کمار ، ابھیسار شرما جیسے کئی نامور لوگوں کو ان کے موبائل پر بیہودہ اور بھدے پیغام بھیجے جاتے ہیں ۔ گندے پیغام بھیجنے کے لیے اپنے نیٹ ورک کے صارفین یا سبسکرائبرس کے خلاف کارروائی کرنے کے لیے آپ کو ہدایت دی جاتی ہے ،کیوں کہ یہ صارف کی عرضی میں صارف کے اقرار نامہ کی خلاف ورزی ہے ۔ برائے مہربانی 15 دنوں کے اندر کارروائی کی رپورٹ بھیجی جائے۔

ذرائع کے مطابق، یہ خط اور کپل مشرا کو لے کر دہلی پولیس چیف کو لکھے گئے خط ہی جوشی کو معطل کرنے کی وجہ ہیں۔

Dear @pbhushan1 @Shehla_Rashid@ashutosh83B @kavita_krishnan

जिस का फ़र्ज़ी लेटर दिखाकर आप सब मुझे अरेस्ट करवाना चाहते थे, उसकी नौकरी गयी

This man @acjoshi is suspended from his job

अब कोई नया ड्रामा करों
आप सबकी दुकान भी ऐसे ही बंद होगी https://t.co/bTn73n8HWg

— Kapil Mishra (@KapilMishra_IND) February 26, 2019

غور طلب ہے کہ آشیش جوشی کے خط کا حوالہ دیتے ہوئے کپل مشرانے ٹوئٹ کیا ہے کہ ،جس کا فرضی لیٹر دکھا کر آپ سب مجھے گرفتار کروانا چاہتے تھے اس کی نوکری گئی ۔

Thanks @YouTube for taking down the inflammatory/incendiary video of @KapilMishra_IND down

Will continue reporting such videos to @YouTube & @twitter w.r.t hate-mongering, women/minority bashing under IPC/IT Act in Public Interesthttps://t.co/WeJ2qPWYzL pic.twitter.com/RV5DlidDNd

— Ashish Joshi (@acjoshi) February 27, 2019

دریں اثناآشیش جوشی نے  اس متنازعہ ویڈیو کو ہٹانے کے لیے  یوٹیوب کا شکریہ ادا کیا ہے۔

(خبررساں ایجنسی بھاشا کے ان پٹ کے ساتھ)