گراؤنڈ رپورٹ: صحت سے متعلق خدمات کی عوام تک رسائی کے مقصدسے 2016 میں دہلی حکومت نے محلہ کلینک کی شروعات کی تھی۔ حکومت کا وعدہ ایک ہزار کلینک کھولنے کاتھا، لیکن فی الحال دہلی کے مختلف علاقوں میں ایسے 210 کلینک کام کر رہے ہیں۔
مشرقی دہلی کے پٹپڑگنج کا محلہ کلینک(تمام فوٹو : سنتوشی مرکام)
یوں تو مشرقی دہلی کے پٹپڑگنج میں محلہ کلینک کا پتہ لگانا مشکل نہیں ہے،پر آٹو یا کیب سے وہاں تک پہنچنا ناممکن ہے۔ محلہ کلینک والی گلی اتنی تنگ ہے کہ اس میں ایک دو پہیہ گاڑی کے سوا کوئی بھی دوسری گاڑی داخل نہیں ہو سکتی۔یہاں تک کہ کسی سنگین بیماری سے پریشان مریض، جو چل-پھر نہیں سکتا، رکشےمیں بیٹھکر جانا چاہے توبھی جا نہیں سکےگا۔ پٹپڑگنج پوسٹ آفس سے کچھ قدم آگےچلنے کے بعد بائیں جانب آنے والی سڑک میں داخل ہوتے ہی سب سے پہلے ایک بہت بڑےکوڑے کا ڈھیر دکھےگا۔ جب وہاں پہنچے گئی تو کچھ کتا، خنزیر اور مرغے اس پر چڑھکرکوڑے کو ادھر ادھر بکھیرتے ہوئے اپنا چارہ تلاش کررہے تھے۔
وہاں ناقابل برداشت بدبو پھیلی ہوئی تھی۔ کوڑا اٹھاکر لے جانے والے کب آئیںگے، روز آتے بھی ہیں یا نہیں، کسی کو نہیں پتہ۔ اس ڈھیر کے ٹھیک بغل سے دائیں طرف طرف مڑکر ایک پتلی-سی گلی اندر جاتی ہے۔ اس گلی میں ایک طرف ایک کھلی نالی بہہ رہی تھی۔یہ صبح کے تقریباً11 بجے کا وقت تھا اور گلی کے منھ پر ہی ایک بزرگ ٹھیک اس نالی کےاوپر چارپائی بچھاکر لیٹے ہوئے تھے۔ منھ کو اپنے گھر کے بند دروازے کی طرف کرکے وہ ایسے سو رہے تھے مانو فضا میں پھیلی بدبو سے ان کو کوئی لینا-دینا ہی نہ ہو۔
اسی گلی میں کچھ چلنے کے بعد بائیں جانب آتا ہے پٹپڑ گنج کا محلہ کلینک جو فی الحال دہلی میں چل رہے 210 محلہ کلینک میں سے ایک ہے۔2016 میں دہلی کی عام آدمی پارٹی (عآپ) حکومت نے عوام کو صحت خدمات دستیاب کرانے کے مقصدسے 1000محلہ کلینک کھولنے کا وعدہ کیا تھا۔ اعداد و شمار بتاتے ہیں کہ فی الحال تو حکومت ان کے ہدف سے کافی پیچھے چل رہی ہے۔ اس اسکیم کے تحت ہر 5 کیلومیٹر کے دائرے میں 10 سے 15 ہزار کی آبادی کو کور کرتےہوئے ایک محلہ کلینک کھولا جانا تھا۔ ہر محلہ کلینک میں ایک ڈاکٹر، ایک فارماسسٹ، ایک کلینک اسسٹنٹ ہوتے ہیں، جو مریضوں کو دیکھنے اور ضروری ٹیسٹ کرنےکے علاوہ دوائیاں بھی دیتے ہیں۔ ڈاکٹر کا مشورہ، ٹیسٹ اور دوائیاں-سبھی مفت میں دیے جاتے ہیں۔
محلہ کلینک کا تصور معاشی طور پر کمزور طبقہ، خاص طورپر جو جھگی بستیوں میں رہتے ہیں اور جن کی صحت خدمات کے لئے پیسہ خرچ کرنے کی صلاحیت نہیں ہے، ان کودھیان میں رکھتے ہوئے کیا گیا تھا۔ لیکن سوال اٹھتا ہے کہ حکومت نے جھگی-بستیوںمیں رہنے والے لوگوں کے لئے محلہ کلینک تو کھول دیا ہے، لیکن ان کو گندگی کےمسئلہ سے کیسے نجات دلائےگی، جو وہاں پھیلنے والی بیماریوں کی اصلی جڑ ہے۔
ہم نے پٹپڑگنج کے علاوہ مشرقی دہلی کے جتنے بھی محلہ کلینک کا دورہ کیا، زیادہ تر مریض گندگی سے پھیلنے والی بیماریوں میں مبتلا دکھے۔ جہاں بھی محلہ کلینک ہے، اس کے چاروں طرف جگہ جگہ کچرے کا ڈھیر، کھلی گندی نالیاں، آوارہ جانوراور انہی کے درمیان رہنے کے لئے مجبور لوگ دکھے۔
چونکہ یہ بتایا جا رہا تھا کہ پٹپڑگنج محلہ کلینک میں صاف-صفائی کا ذمہ ‘نرمل ‘ نامی ایک این جی او پر ہے، اس لئے وہاں کلینک کے اندر اور اس کے احاطے میں حالت کچھ بہتر ہی دکھی، لیکن کچھ دیگر محلہ کلینک میں تو چاروں طرف گندگی پھیلی ہوئی تھی۔ ہم نے مشرقی دہلی کی ترلوک پوری واقع محلہ کلینک میں جاکر یہ جاننے کی کوشش کی کہ وہاں لوگوں کو کس طرح کی سہولیات مل رہی ہیں۔ اس کلینک میں لوگوں کو دوائیوں اور ڈاکٹروں سے کوئی شکایت نہیں تھی، لیکن جگہ چھوٹی ہونے کی وجہ سے ان کو تکلیف ہو رہی تھی۔
لوگوں کا کہنا تھا کہ وہاں اکثر بھیڑ زیادہ ہوتی ہے، اس لئے کھڑے رہنے کےلئے بھی جگہ نہیں ملتی ہے۔ بھیڑ کی وجہ سے کسی بھی طرح کی متعدی بیماریوں کےپھیلنے کا خطرہ بنا رہتا ہے۔ یہ کلینک ایک چھوٹے-سے گھر میں بنا ہے، جس میں بہت ہی چھوٹے-چھوٹے دو کمرےہیں، جس میں سے ایک میں مریض آکر بیٹھتے ہیں اور دوسرے کمرے میں ڈاکٹر اور اسٹاف۔ یہاں آئے لوگوں نے بتایا،’روز اندر جگہ نہیں ہوتی اس لئے باہر گلی میں کھڑے رہکر اپنی باری کا انتظار کرنا پڑتا ہے۔ ‘یہ گلی بھی بہت تنگ ہے اور اگل بغل سے کھلی گندی نالیاں، پھیلی بدبو اور بھنبھنا رہی مکھیاں بیماریوں کی وجہ بن سکتی ہیں۔
اس بارے میں پوچھنے پر اس کلینک کے ڈاکٹر یوگیش کمار نے بتایا،’ابھی یہ کلینک کرایے کے مکان میں چل رہا ہے۔ پاس میں ہی ایک پوٹاکیبن بن رہی ہے، جلدہی اس کو وہاں منتقل کر دیا جائےگا۔ ‘رپورٹ کی اشاعت تک کلینک کو پوٹاکیبن میں منتقل کر دیا گیا ہے، یہ جانکاری ڈاکٹر یوگیش کمار نے فون پر دی۔ اس محلہ کلینک میں علاج کرانے کے لئے آئی راج کماری جو کہ آیا کا کام کرتی ہیں۔ ان کو تھائرائیڈ ہے اور پچھلے تین سال سے وہاں علاج کرا رہی ہے۔ انہوں نےبتایا کہ ان کی ماہانہ آمدنی پانچ-چھ ہزار روپے ہے، ایسے میں مفت میں اچھی دوائیاں ملنے سے ان کو کافی راحت مل رہی ہے۔
انہوں نے بتایا، ‘ ہم پہلے پرائیویٹ ہاسپٹل میں جاکر علاج کراتے تھے۔بہت خرچ ہوتا تھا، لیکن جب سے یہ کلینک شروع ہوا، یہاں علاج کروا رہے ہیں۔ ہر تین مہینے میں ایک بار آکر تھائرائیڈ کا ٹیسٹ کرا لیتی ہوں۔ ڈاکٹر دوائیاں دے دیتے ہیں۔ہمیں اب یہاں ہر قسم کی دوائیاں مل رہی ہیں۔ ‘علاج کرانے آئی ایک اور خاتون کا کہنا تھا کہ وہ بھی اس کلینک میں کافی عرصہ سے علاج کرا رہی ہیں۔ ان کے شوہر کرایے پر رکشہ چلاتے ہیں اور ان کے دو بچےہیں۔ انہوں نے بتایا،’جب میں پہلی بار یہاں علاج کرانے آئی تھی تب مجھے جوڑوں اور کمر میں درد تھا۔ اس کے علاوہ لیڈیز پرابلم تھا، جو یہاں سے علاج کرانے کے بعدٹھیک ہو گیا۔ ‘
ایک اور مریض ممتاز نے بتایا کہ وہ پچھلے دو سال سے یہاں سے شوگرکی دوائیاں لے رہی ہے۔ انہوں نے کہا، ‘محلہ کلینک کے آنے سے ہمیں بہت سہولت ہورہی ہے۔ ‘
محلہ کلینک میں دوا دیتی فارماسسٹ
ممتاز نے بتایا کہ جب محلہ کلینک نہیں تھا تب وہ لال بہادر شاستری ہاسپٹل یا اروند ہاسپٹل میں جاکر علاج کراتی تھیں۔انہوں نے بتایا،’وہاں صرف شوگر کا ٹیسٹ ہوتا ہے۔ اگر کچھ دوسرا ٹیسٹ کرانا ہوتا تھا یا کوئی بڑی بیماری ہوتی تھی تو بڑے ہاسپٹل جانے کے لئے کہتے تھے۔لیکن اب یہاں تمام ٹیسٹ مفت میں ہو جاتے ہیں۔ دوائیاں بھی مل جاتی ہیں۔ اگر کبھی کوئی دوائی نہیں ملتی تو باہر سے لے لیتے ہیں۔ ‘
ڈاکٹر یوگیش کمار مانتے ہیں کہ محلہ کلینک ایک اچھا تصور ہے۔ وہ کہتےہیں،’اس سے مریض کو مفت میں صحت سہولیات ملتی ہیں۔ یہ کلینک سب کی دسترس میں ہے۔بڑے ہاسپٹل میں جو بھیڑ ہوتی تھی، اس کو کم کیا گیا ہے۔ ہماری دوائیوں اور علاج سے مریض خوش ہیں۔’انہوں نے بتایا،’دہلی میں محلہ کلینک کو برٹن کی نیشنل ہیلتھ اسکیم کی طرز پر شروع کیا گیا ہے۔ میں مانتا ہوں کہ ایسے کلینک پورے ہندوستان میں ہونےچاہیے۔ یہ کلینک ہیلتھ فار آل کے تصور کو پورا کرتے ہیں۔ ‘
حالانکہ وہ یہ بات مانتے ہیں کہ دہلی کی آبادی کو دیکھتے ہوئے ہزار محلہ کلینک بھی کم ہی ہوںگے۔ وہ کہتے ہیں،’پہلے ڈسپنسری ہوتی تھیں، مریض آتے تھے،لیکن دوائیاں نہیں ہوتی تھی، تو ان کو ریفر کیا جاتا تھا، لیکن محلہ کلینک میں تمام دوائیاں مل جاتی ہیں۔ ‘ہم جتنے بھی محلہ کلینک میں گئے، وہاں چار لوگوں کا اسٹاف تھا۔ اس پرڈاکٹر یوگیش نے بتایا،’حکومت نے ہمیں چار لوگوں کا اسٹاف دیا ہے، جس میں ایک ڈاکٹر، ایم سی اے (محلہ کلینک اسسٹنٹ)، فارماسسٹ اور چوتھا ملٹی ٹاسک ورکر۔ ‘ ڈاکٹریوگیش کے مطابق ایک کلینک کے لئے اتنا اسٹاف کافی ہے۔
کلینک کے سامنے سے گزر رہے ایک رکشہ والے سے جب یہ پوچھا کہ کیا وہ محلہ کلینک آتے ہیں، تو انہوں نے بتایا کہ ان کو محلہ کلینک سے دوائی نہیں ملتی کیونکہ ان کا آدھار کارڈ نہیں ہے۔ اتر پردیش کے بدایوں سے آنے والے وہ شخص پچھلے 15 سالوں سے دہلی میں رہ رہے ہیں۔ لیکن محلہ کلینک میں بنا آدھار کارڈ کے علاج نہ ہونے کی بات کو کلیانپوری محلہ کلینک کی اسسٹنٹ رینا خارج کرتی ہیں۔ انہوں نے بتایا،’جھگیوں میں رہنے والے بہت سے لوگوں کے پاس آدھار کارڈ نہیں ہوتا ہے پھر بھی ہم ان کا بھی علاج کرتے ہیں۔ ان کے سلپ میں ان کی رہائش گاہ مقام-جھگی یا مکان کا نمبر ڈال دیتے ہیں۔ ‘
محلہ کلینک میں آدھار کارڈ کی ضرورت پر جب ڈاکٹر یوگیش کمار سے سوال کیاتو انہوں نے بتایا کہ سرکاری اصول کے مطابق آدھار کارڈ کا ہونا ضروری نہیں ہے۔ اس کے لئے حکومت کے ذریعے جاری کوئی بھی آئی کارڈ، جس میں فوٹو لگا ہو، جیسے کہ ووٹر کارڈ، راشن کارڈ، پین کارڈ لایا جا سکتا ہے۔ حالانکہ کچھ لوگ ایسے بھی تھے جو محلہ کلینک میں اسٹاف کے کام کاج کےطریقوں سے خوش نہیں تھے۔ کرانا کی دکان چلانے والے وشال بھگت ان میں سے ایک ہیں۔ان کا کہنا ہے کہ کلینک کا اسٹاف اہل نہیں ہے اور دوائیاں صحیح سے کام نہیں کرتیں۔
محلہ کلینک کو چلانے میں کیا پریشانیاں ہیں، اس سوال پر کلیان پوری کےمحلہ کلینک کی ڈاکٹر پرشنسا گریوال کا کہنا ہے، ‘شروعات میں پریشانیاں زیادہ تھیں،پہلے کلینک صرف ایک ڈاکٹر کے بھروسے چل رہے تھے۔ لیکن حکومت اب اسٹاف کو بڑھا رہی ہے۔ حالات اب پہلے سے بہتر ہیں۔ ‘ڈاکٹر پرشنسا کا کہنا ہے کہ محلہ کلینک کے کھلنے سے لوگوں کو سہولت ہورہی ہے۔ وہ کہتی ہیں،’جو عمر دراز ہیں، جن کو زیادہ وقت تک کھڑے رہنا مشکل ہوتاہے، زیادہ چلنے میں پریشانی ہوتی ہے، ایسے لوگ محلہ کلینک ہی آنا پسند کرتے ہیں کیونکہ یہ ان کے گھروں کے پاس ہوتے ہیں۔ ‘
انہوں نے بتایا کہ حکومت آگے چل کر پالی کلینک کھولنے کا منصوبہ بھی بنارہی ہے، جہاں مریضوں کو مفت الٹراساؤنڈ، ایکسرے جیسی سہولیات بھی دی جائیںگی۔ ڈاکٹر پرشنسا نے بتایا کہ محلہ کلینکوں میں زیادہ تر کم آمدنی والےلوگ ہی آتے ہیں، لیکن یہاں جس طرح کا علاج اور دوائیاں دی جا رہی ہیں اس کو دیکھکرکچھ متوسط طبقہ کے لوگ بھی آنے لگے ہیں۔ وہ بتاتی ہیں،’یہ کلینک خاص طور پرجھگیوں میں رہنے والوں کے لئے ہی کھولے گئے ہیں، لیکن کئی بار اس کا فائدہ دو-دوگاڑیاں رکھنے والے اور جن کو پیسوں کی کوئی دقت نہیں ہے، ایسے لوگ بھی اٹھا رہےہیں۔ ‘
انہوں نے بتایا کہ محلہ کلینک میں روز 100 سے زیادہ مریض علاج کے لئےآتے ہیں۔ کلینک صبح 8 بجے سے دوپہر 2 بجے تک کھلا رہتا ہے۔ جن محلہ کلینکوں میں زیادہ مریض آ رہے ہیں،وہاں اب دو شفٹ لگ رہی ہے۔ڈاکٹر پرشنسا نے بتایا کہ ان کلینکوں میں آنے والا ہر تیسرا مریض کسی نہ کسی جلد کی بیماری سے متاثر ہوتا ہے۔ اس کے علاوہ دست، پیٹ کی بیماریاں اور موسمی بیماریوں سے متاثر لوگ بھی آتے ہیں۔ وہ مانتی ہیں کہ اس کی اہم وجہ گندگی ہے کیونکہ جھگی-جھوپڑیوں میں صاف-صفائی نہیں ہوتی۔ کئی بار پینے کے پانی میں کہیں نہ کہیں سیور کا پانی مل جاتا ہے۔ ساتھ ہی، گھروں کے آس پاس بھی صاف-صفائی نہ کے برابر ہی ہوتی ہے۔
محلہ کلینک میں دوا دیتی فارماسسٹ
ایک اور خاص پہلو یہ ہے کہ محلہ کلینکوں میں آنے والے مریضوں میں مردوں کے مقابلے خواتین کی تعداد کافی زیادہ ہے۔ کلیان پوری کے محلہ کلینک میں اسسٹنٹ کے طور پر کام کر رہی رینا کا کہنا ہے کہ ان کے مریضوں میں صاف-صفائی کی کمی سےپیدا ہونے والی بیماریاں ہی زیادہ ہیں۔ وہ بتاتی ہیں،’کئی خواتین Vaginal انفیکشن سے متاثر ہوتی ہیں کیونکہ وہ جھگیوں میں رہتی ہیں جہاں صاف-صفائی کی کمی رہتی ہے۔ ان کو پتہ بھی نہیں ہوتا کہ ان کو کاؤنسلنگ کی ضرورت ہے۔ اس کے علاوہ ان خواتین میں شوگر اور تھائرائیڈ کے مریض بھی زیادہ ہیں۔ ‘
کلیان پوری محلہ کلینک سے تقریباً 100 میٹر دور واقع ایک جھگی بستی میں جاکر دیکھا تو سمجھ میں آیا کہ رینا کی باتوں میں کتنا وزن ہے۔ وہاں کی گلیوںمیں دونوں طرف کھلی نالیاں تھیں۔ ہرطرف گندگی پھیلی تھی۔ ہرطرف مکھیاں اور مچھرتھے۔ چھوٹی-چھوٹی جھگیوں میں پوری فیملی کے ساتھ بہت سارے لوگ رہ رہے تھے۔چھوٹے بچے گلیوں میں اسی گندگی کے درمیان کھیل رہے تھے۔ ان سے بات کی تو تقریباًسبھی نے یہی کہا کہ محلہ کلینک سے ان کو صحیح سے دوائیاں مل جاتی ہیں، لیکن سوال اٹھتاہے کہ کیا ان لوگوں کے رہنے کی حالتیں یہاں کے لوگوں کو کبھی بیماریوں کے خطرہ سےنجات پانے دےگی؟
