اتوار کو کولکاتہ کے پولیس کمشنر سے چٹ اینڈ فنڈ گھوٹالہ معاملے میں پوچھ تاچھ کر نے پہنچی سی بی آئی کو ریاستی پولیس نے حراست میں لیا تھا ۔ اس کے بعد وزیر اعظم نریندر مودی پر ریاست میں تختہ پلٹ کر نے کی کوشش کا الزام لگاتے ہوئے وزیر اعلیٰ ممتا بنرجی غیر متعینہ ہڑتا ل پر بیٹھ گئیں ہیں۔
ممتا بنرجی، فوٹو: پی ٹی آئی
نئی دہلی: مرکزی حکومت نے سوموار کو سپریم کورٹ میں کہا کہ وہ چٹ فنڈ گھوٹالہ معاملے میں جانچ میں تعاون کے لیےمغربی بنگال حکومت کو ہدایت جاری کرے۔ اس کے ساتھ ہی اس نے کولکاتہ پولیس کمشنر راجیو کمار کی پیشی کا مطالبہ بھی کیا۔اس درمیان مرکزی حکومت پر تختہ پلٹ کی کوشش کا الزام لگاتے ہوئے مغربی بنگال کی وزیر اعلیٰ ممتا بنرجی غیر معینہ ہڑتال پر بیٹھ گئی ہیں۔
سپریم کورٹ کے چیف جسٹس رنجن گگوئی اور جسٹس سنجیو کھنہ کی بنچ میں سی بی آئی کی طرف سے پیش ہوئے سالیسٹر جنرل تشار مہتہ نے کہا کہ ہماری ٹیم کو گرفتار کیا گیا اور مبینہ طور پر حراست میں رکھا گیا ۔ انہوں نے کہا کہ کولکاتہ پولیس کو فوری طور پر خود سپردگی کر دینی چاہیے۔انہوں نے کہا کہ معاملے میں جانچ کے لیے سپریم کورٹ کا حکم ہے اس لیے مرکز ہتک عزت کی کارروائی بھی چاہتا ہے۔اس پر بنچ نے مہتہ سے کہا کہ اس نے سی بی آئی کی درخواست دیکھ لی ہےاور اس میں ایسا کچھ نہیں جو ان کے ثبوت کو ضائع کیے جانے کے دعوے کی تصدیق کرے ۔
اس کے جواب میں مہتہ نے کہا کہ گزشتہ شب جب اس پر درخواست تیار کی جارہی تھی تب وہ ریکارڈس ان کے پاس نہیں تھے کیوں وہ مقامی پولیس کے پا س تھے ۔ اس پر عدالت نے کہا کہ اگر ایجنسی ایسا ایک بھی ثبوت پیش کرپاتی ہےجو یہ ثابت کت دے کہ کمار شواہد کو ضائع کر سکتے ہیں وہ ان پر ایسی سخت کارروائی کرے گہ کہ ان کو پچھتاوا ہوگا۔
Hearing on CBI plea in SC: CJI Gogoi says, "If Kolkata Police Commissioner even remotely thinks of destroying evidence, bring the material before this Court. We will come down so heavily on him that he will regret." #WestBengal pic.twitter.com/4VRhH7b4Ff
— ANI (@ANI) February 4, 2019
مہتہ نے کہا کہ یہ غیر معمولی واقعہ ہے کہ ایڈمنسٹریشن سیاسی پارٹی کے ساتھ دھرنے پر بیٹھا ہوا ہے ۔ اس کو فوری طور پر روکا جانا چاہیے۔ مغربی بنگال میں غیر متوقع صورت حال پیدا ہونے کا حوالہ دیتے ہوئے مہتہ نے سوموار دوپہر کو معاملے کی شنوائی کا وقت مانگا۔ حالاں کہ عدالت نے اس معاملے میں شنوائی کے لیے منگل کی صبح کا وقت دیا ہے۔
CBI plea in SC seeking directions to Kolkata Police Commissioner Rajeev Kumar to cooperate with the investigation in Saradha chit fund case: Chief Justice of India says "we will hear the matter tomorrow." https://t.co/qRltVtBtxJ
— ANI (@ANI) February 4, 2019
غور طلب ہے کہ اتوار کی شام سی بی آئی افسروں کی ایک ٹیم راجیو کمار کے سرکاری رہائش پر شاردا چٹ فنڈ معاملے میں پوچھ تاچھ کرنے پہنچی تھی۔لیکن پولیس نے سی بی آئی ٹیم کو باہر ہی روک لیا۔ اس کے بعد پولیس سی بی آئی افسروں کو تھانے لے گئی۔
West Bengal: All five CBI officers that were detained by police at Shakespeare Sarani police station in Kolkata have been released. pic.twitter.com/FMS2MzrDAX
— ANI (@ANI) February 3, 2019
کولکاتہ پولیس کا دعویٰ ہے کہ سی بی آئی بغیر کسی وارنٹ کے آئی تھی۔معاملے کی جانکاری ہونے کے بعد وزیر اعلیٰ ممتا بنرجی راجیو کمار کے گھر پہنچی۔ اور انہوں نے وہیں افسروں کے ساتھ میٹنگ کی۔ اس کے بعد انہوں نے میڈیا سے بات کی۔
West Bengal Chief Minister Mamata Banerjee at 'Save the Constitution' dharna in #Kolkata. She has been staging dharna since last night over CBI issue. pic.twitter.com/rFLuBIghfs
— ANI (@ANI) February 4, 2019
انہوں نے کہا کہ یہ ریاستی پولیس پر مرکزی حکومت کا حملہ ہے۔ انہوں نے اس کو ملک کے وفاقی ڈھانچے پر بھی حملہ بتایا۔ممتا بنرجی نے رات کو ہی کولکاتہ دھرم تلہ میں دھرنا شروع کر دیا۔ ترنمول کانگریس کے رہنما بڑی تعداد میں یہاں پہنچےہیں ۔ کہا جارہا ہے کہ اب کابینہ کی میٹنگ بھی یہیں ہوگی۔کولکاتہ پولیس کمشنر راجیو کمار اور دوسرے پولیس افسران بھی سادہ کپڑوں میں یہیں موجود ہیں۔ کولکاتہ میں سی بی آئی ہیڈ کوارٹر کی ذمہ داری سی آر پی ایف نے سنبھال لی ہے۔
West Bengal: Central Reserve Police Force (CRPF) units arrive at CBI regional office at CGO Complex, Kolkata. pic.twitter.com/ii8sCFY4O0
— ANI (@ANI) February 3, 2019
سی بی آئی کے عبوری ڈائریکٹر ایم ناگیشور راؤ کا کہنا ہے کہ راجیو کمار جانچ میں تعاون نہیں کر رہے تھے۔ بتایا جارہا ہے کہ ان کو کئی سمن بھیجے گئے لیکن وہ جانچ ایجنسی کے سامنے پیش نہیں ہوئے۔دریں اثناممتا بنر جی نے الزام لگایا کہ وزیر اعظم نریندر مودی کے اشارے پر National Security Advisor اجیت ڈوبھال نے سیاسی مخالفوں کو پریشان کرنے کی ہدایت دے رہے ہیں ۔ انہوں نے کہا کہ ، مجھے ایسے وزیر اعظم سے بات کرنے میں شرم محسوس ہوتی ہے جن کے ہاتھوں میں خون لگا ہے۔
واضح ہو کہ مغربی بنگال میں کچھ سال پہلے چٹ فنڈ گھوٹالہ ہوا تھا، جس میں ترنمول کانگریس کے کئی رہنماؤں کے نام آئے تھے۔ترنمول کے ذرائع نے بتایا کہ ممتا بنرجی آگے بھی بی جے پی کی ایمانداری اور شفافیت پر سوال اٹھاتی رہیںگی۔ وہ بی جے پی کے بدعنوانی سے آزاد ہونے کے ‘ مکھوٹا ‘ کو اتارکر بی جے پی کے بھروسے کے کھیل کو اجاگر کرنے کی کوشش کرتی رہیںگی۔
The post مغربی بنگال: سپریم کورٹ پہنچا سی بی آئی بنام ممتا بنرجی تنازعہ، منگل کو ہوگی شنوائی appeared first on The Wire - Urdu.
