سوشل میڈیا پر وائرل ایک ویڈیو میں جے این یو کی وی سی کہتی ہوئی نظر آ رہی ہیں کہ آپ ہمیشہ مظلوم بن کر یا وکٹم ہڈ کے ساتھ ترقی نہیں کر سکتے۔ ایسا ہی سیاہ فاموں کے ساتھ ہوا، یہی دلتوں کے ساتھ ہو رہا ہے۔ اس بیان پر ہر طرف سے تنقید کے بعد انہوں نے کہا کہ وہ خود بہوجن سماج سے تعلق رکھتی ہیں، اس لیے کسی بھی کمیونٹی کے خلاف توہین آمیز تبصرہ کرنے کا سوال ہی پیدا نہیں ہوتا۔
جے این یو کی وی سی شانتی شری دھولی پوڑی پنڈت، فوٹو بہ شکریہ: فیس بک /آفیشیل جے این یو
نئی دہلی:جواہر لعل نہرو یونیورسٹی (جے این یو) کی وائس چانسلر پروفیسر شانتی شری دھولی پوڑی پنڈت ایک بار پھر اپنے متنازعہ بیان کو لے کر سرخیوں میں ہیں۔ سوشل میڈیا پر وائرل ایک ویڈیو میں وہ ایک انٹرویو کے دوران یہ کہتی ہوئی نظر آ رہی ہیں کہ دلت اور سیاہ فام کمیونٹی (بلیک) ’وکٹم ہُڈ یعنی مظلوم ذہنیت‘ میں مبتلا ہیں۔
وہ مزید کہتی ہیں کہ آپ ہمیشہ اپنے آپ کومظلوم ظاہر کر کے یا وکٹم کارڈ کھیل کر ترقی نہیں کر سکتے۔
خبروں کے مطابق، اس انٹرویو کے دوران وائس چانسلر نے کہا کہ کسی بھی معاشرے یا برادری کے لیے ہمیشہ خود کو مظلوم مانتے رہنا ترقی میں رکاوٹ بن سکتا ہے۔ یہ ایک عارضی ’ڈرگ‘ کی طرح ہے۔ آپ یہ بار بار کہتے رہیں کہ یہ دشمن ہے، آپ اس پر چلاتےہیں اور پھر آپ کو اچھا لگتاہے۔
“Dalits and Blacks are drugged with victimhood.”
And she is the current Vice-Chancellor of JNU, appointed by the RSS and BJP.
And she also said “There is permanent Victimhood” pic.twitter.com/vQLnyqzU3s
— Dr. Kanchana Yadav (@Kanchanyadav000) February 20, 2026
وہ مزید کہتی ہیں، ’… ایسا ہی سیاہ فاموں کے لیے کیا گیا تھا۔ یہی چیز دلتوں کے لیے لائی گئی تھی اور کسی کو شیطان بنا کر ترقی کرنا آسان نہیں ہے۔ جب کسی گروہ کو بار بار یہ بتایا جاتا ہے کہ اس کے مسائل کی وجہ کوئی ’دشمن‘ ہے، تو یہ سوچ لمبے وقت تک حل فراہم نہیں کر سکتی۔‘
بتایا گیا ہے کہ اس انٹرویو میں وائس چانسلر سماجی انصاف، شناخت پر مبنی سیاست اور یونیورسٹی گرانٹس کمیشن (یو جی سی) کے نئے ضوابط پر اپنے خیالات کا اظہار کر رہی تھیں اور وائرل ویڈیو اسی انٹرویو کا ایک حصہ ہے۔
رنگ اور نسل پر مبنی ان کا یہ تبصرہ یو جی سی کے نئے اعلیٰ تعلیمی اداروں میں مساوات کے فروغ سے متعلق ضوابط پر جاری بحث کے دوران سامنے آیا ہے، جس میں تعلیمی پالیسی، سماجی انصاف اور شناخت پر مبنی سیاست جیسے موضوعات شامل تھے۔ انہوں نے کہا کہ معاشرے میں مستقل تبدیلی کے لیے مثبت سوچ، خود اعتمادی اور ذمہ داری کا احساس ضروری ہے۔ انہوں نے یہ بھی کہا کہ صرف کسی ایک فریق کو مورد الزام ٹھہرانے سے مسئلے کا حل ممکن نہیں ہوتا۔
وی سی کے اس بیان پر سوشل میڈیا پر کئی طلبہ، اساتذہ، صحافیوں، سیاستدانوں اور دیگر نے اعتراض ظاہر کیا ہے۔
जवाहरलाल नेहरु विश्वविद्यालय(JNU) की VC साहिबा को ‘दलित और ब्लैक्स’ के बारे में की गई अपनी अनर्गल, अवास्तविक और अमानवीय टिप्पणी के लिए सदियों से वंचित और उत्पीड़ित रहे इन समाजों से फौरन माफी मांगनी चाहिए. ऐसे सोच वाले व्यक्ति को JNU जैसे संस्थान का कुलपति हरगिज नहीं होना चाहिए.
— urmilesh (@UrmileshJ) February 20, 2026
No crazy pseudo-journalist humiliating Dalits about drinking water, it’s the JNU VC saying Dalits are drugged with ‘victimhood’! If the Supreme Court is watching, this is evidence enough to infer why we need #UGCEquityRegulations and why this VC must be asked to quit forthwith. pic.twitter.com/7RC9sreo8B
— Dipankar (@Dipankar_cpiml) February 19, 2026
JNU VC का बयान और UGC विवाद: संस्थानों का वैचारिक कब्ज़ा?
JNU के कुलपति का यह कहना कि “दलित और ब्लैक्स विक्टिमहुड के नशे में हैं” केवल एक आपत्तिजनक टिप्पणी नहीं है—यह उसी सोच का विस्तार है जो आज UGC से जुड़े विवादों में दिख रही है। जब उच्च शिक्षा संस्थानों की स्वायत्तता पर सवाल… pic.twitter.com/aZ2OuXWrF7
— Dr. Laxman Yadav (@DrLaxman_Yadav) February 19, 2026
JNU VC Santishree Pandit’s ‘victim card’ slang exposes her Brahmin-RSS bias.
Dalits know their pain! We demand justice, not lectures from the privileged! #Delhi pic.twitter.com/5vyn3Jo0d0
— Deepali_Salve (@deepali_writes) February 20, 2026
اسٹوڈنٹس فیڈریشن آف انڈیا (ایس ایف آئی) نے وائس چانسلر کے استعفیٰ کا مطالبہ کرتے ہوئے کہا، ’جے این یو کی وائس چانسلر اب وہی باتیں سب کے سامنے دہرا رہی ہیں جو ریزرویشن مخالف تحریک کی حمایت کرنے والے لوگ کرتے رہے ہیں۔ یہ بہت شرمناک ہے اور جس کیمپس کی وہ سربراہ ہیں، وہاں طلبہ محفوظ نہیں ہیں۔ اس سے یہ بھی ظاہر ہوتا ہے کہ ہندوستان کے کیمپس کو فوراً ایک مضبوط اینٹی ڈسکریمینیشن فریم ورک کی ضرورت کیوں ہے۔ جے این یو کی وی سی کو فوراً استعفیٰ دے دینا چاہیے!‘
جے این یو طلبہ یونین نے بھی ان کے تبصرے کی مذمت کرتے ہوئے ان کے استعفیٰ کا مطالبہ کیا ہے۔
وی سی کی وضاحت
معاملہ کے طول پکڑنے کے بعد وائس چانسلر کی صفائی بھی سامنے آئی ہے۔ ان کا کہنا ہے کہ انہوں نے ایسا کوئی لفظ استعمال نہیں کیا، جس سے کسی برادری کی توہین ہو۔
ان کے مطابق، ان سے ’ووک ازم‘ یعنی سماجی انصاف سے متعلق آزاد خیال نظریات پر سوال کیا گیا تھا۔ اس تناظر میں انہوں نے کہا تھا کہ بعض تحریروں اور نظریات میں وکٹم ہڈ پر زیادہ زور دیا جاتا ہے، جس سے ایک خیالی دنیا کی تصویر بنتی ہے۔ انہوں نے یہ بھی کہا کہ ان کے بیان کا غلط مطلب نکالا گیا ہے۔
وائس چانسلر نے بتایا کہ انہوں نے مساوات کے ضوابط پر رائے دیتے ہوئے کہا تھا کہ کئی بار ان ضوابط میں حقیقی برابری نظر نہیں آتی۔ انہوں نے واضح کیا کہ وہ خود بہوجن سماج سے تعلق رکھتی ہیں، اس لیے کسی بھی برادری کے خلاف توہین آمیز تبصرہ کرنے کا سوال ہی نہیں اٹھتا۔
ان کے مطابق، ان کے خیالات کو سیاق و سباق سے ہٹا کر پیش کیا گیا۔
واضح ہو کہ اس سے قبل 2022 میں بھی ان کا ایک بیان سرخیوں میں آیا تھا۔ اس وقت انہوں نے کہا تھا کہ کوئی بھی ہندو دیوی دیوتا اعلیٰ ذات کا نہیں ہو سکتا اور بھگوان شیو کو درج فہرست ذات یا قبیلے سے جوڑا تھا۔ ساتھ ہی منواسمرتی کا حوالہ دیتے ہوئے خواتین کو شودر بتائے جانے کہی بات کی تھی۔ ان بیانات پر بھی کافی تنازعہ کھڑا ہوا تھا۔
