نیشنل فوڈ سکیورٹی ایکٹ کے تحت اس وقت ملک میں کل 80.32 کروڑمستفید ہیں، لیکن اپریل مہینے میں اس میں سے 60.33 کروڑ لوگوں کو ہی اضافی راشن دیا گیا۔
(فوٹو: پی ٹی آئی)
نئی دہلی: کو رونا وائرس وبا کی وجہ سےہوئی پریشانیوں سے لوگوں کو راحت دینے کے لیے مرکزی حکومت نے مارچ کے آخری ہفتے میں پردھان منتری غریب کلیان یوجنا(پی ایم جےکےوائی)شروع کیا تھا۔اس کے تحت لوگوں کو اقتصادی مدداور ہر اہل شخص کو تین مہینے(اپریل-جون)کے لیے پانچ کیلو اضافی اناج دیا جانا تھا۔
حالانکہ عالم یہ ہے کہ اپریل مہینے میں تقریباً 20 کروڑ لوگوں کو اضافی راشن کا فائدہ نہیں ملا ہے۔گزشتہ بدھ کو مرکزی حکومت کی جانب سے جاری کی گئی پریس ریلیز کے مطابق ایک اپریل سے 30 اپریل کے بیچ 36 ریاستوں/یونین ٹریٹری میں کل 60.33 کروڑ لوگوں کو اضافی راشن دیا گیا ہے۔
نیشنل فوڈ سکیورٹی ایکٹ(این ایف ایس اے)کے تحت اس وقت ملک میں کل 80.32 کروڑ مستفید ہیں۔ اس طرح تقریباً 20 کروڑ لوگوں کو اضافی راشن کا فائدہ نہیں ملا ہے۔ اپریل مہینے کے لیے کل 40.48 لاکھ میٹرک ٹن راشن مختص کیا گیا تھا لیکن ریاستی حکومتوں نے اس میں سے صرف 30.16 لاکھ ٹن ہی راشن بانٹا۔
प्रधानमंत्री @narendramodi जी की योजना के कारण लॉकडाउन में भी देश के हर कोने तक अनाज पहुंच रहा है। #PMGKAY में पंजाब को अप्रैल के लिए आवंटित 70,725 टन अनाज में से मात्र 1% 1.38 लाख लाभुकों को 688 टन बांटा गया है।CM @capt_amarinder जी से आग्रह है कि वितरण में तेजी लाएं #हर_जन_भोजन
— Ram Vilas Paswan (@irvpaswan) May 6, 2020
پنجاب اور دہلی کامظاہرہ سب سے خراب رہا ہے جنہوں نے کل مختص کے مقابلے تقریباً ایک فیصدی یا اس سے بھی کم راشن بانٹا ہے۔پی ایم جےکےوائی کے تحت اپریل مہینے کے لیے پنجاب کو 70725 ٹن راشن مختص کیا گیا تھا، لیکن ریاستی حکومت اس میں سے صرف 688 ٹن ہی راشن بانٹ پائی۔
مرکزکےڈپارٹمنٹ آف فوڈ اینڈ پبلک ڈسٹری بیوشن کے اعداد وشمار کے مطابق پنجاب میں کل 34.61 لاکھ راشن کارڈ ہیں لیکن اس میں سے صرف 84.11 ہزار راشن کارڈ پر ابھی تک راشن دیا گیا ہے۔اسی طرح دہلی کو 36000 ٹن راشن کا بٹوارہ کرنا تھا لیکن انہوں نے اس میں سے صرف 63 ٹن راشن کا بٹوارہ کیا۔
اس کے علاوہ جھارکھنڈ اور اڑیسہ کا بھی مظاہرہ کافی خراب ہے۔ این ایف ایس اے کے تحت جھارکھنڈ میں کل 93.05 لاکھ راشن کارڈ ہیں، لیکن ان میں سے صرف 49.91 لاکھ راشن کارڈ پر راشن دیا ہے۔ اس کا مطلب تقریباً 47 فیصدی راشن کارڈپر اپریل مہینے میں اضافی راشن نہیں دیا گیا۔
जिन राज्यों में अप्रैल माह का वितरण पूरा नहीं हुआ है उन राज्य सरकारों और कई मुख्यमंत्रियों से मैंने बात कर आग्रह किया है कि वितरण में तेजी लाएं और जल्द से जल्द अनाज और दाल बंटवाने का कष्ट करें, ताकि कोरोना संकट की इस कठिन घड़ी में गरीबों को अनाज की कोई कमी न हो। 2/2 @narendramodi
— Ram Vilas Paswan (@irvpaswan) May 7, 2020
مدھیہ پردیش کی بھی حالت کافی خراب ہے۔ ریاست میں کل 1.16 کروڑ راشن کارڈ ہیں لیکن اس میں سے 54.81 لاکھ راشن کارڈ پر ہی اپریل مہینے کا اضافی راشن دیا گیا۔مغربی بنگال اور کرناٹک نے کل مستفید کے مقابلے ایک تہائی کو ہی راشن پہنچایا۔حالانکہ اتر پردیش، کیرل، آندھراپردیش،آسام، چھتیس گڑھ اور راجستھان جیسی کچھ ریاستوں نےپی ایم جےکےوائی کے تحت مختص راشن کا 95 فیصدی سے زیادہ حصہ بانٹ دیا ہے۔
وزارت خزانہ کی پریس ریلیز میں یہ بھی بتایا گیا ہے مئی مہینے میں اب تک میں 22 ریاستوں/یونین ٹریٹری نے 12.39 کروڑ مستفیدکو 6.19 لاکھ ٹن اضافی راشن بانٹ دیا ہے۔
PMGKAY के तहत NFSA के लगभग 20 करोड़ लाभुक परिवारों को 3 महीने तक 1 किलो दाल/परिवार/माह मुफ्त वितरण हेतु, 5.88 लाख टन दाल का आवंटन हो चुका है। 06 मई तक @nafedindia ने 2.56 लाख टन दाल राज्यों को भेजा है जिसमें से 1.66 लाख टन दाल का उठाव सभी राज्यों ने कर लिया है। @narendramodi pic.twitter.com/GTiACyG8vZ
— Ram Vilas Paswan (@irvpaswan) May 7, 2020
وزارت نے بتایا کہ مختلف ریاستوں کو 2.42 لاکھ میٹرک ٹن دال بھیج دیا گیا ہے اور 19.4 کروڑ مستفید میں سے 5.21 کروڑ فیملی کو اپریل مہینے کا دال دے دیا گیا ہے۔ یعنی کہ ابھی تک صرف تقریباً 27 فیصدی فیملی کو ہی ابھی تک دیا جا سکا ہے۔
